Siglir tar il cuntegn
cuntegn

Chantun Grischun Vacanzas fa reclama cun star da mountainbike

Per lur nova campagna, che duai promover il sport da mountainbike en la regiun, lavura Grischun Vacanzas ensemen cun il star da mountainbike Danny MacAskill.

Danny MacAskill e Claudio Caluori da viadi en la regiun d'Arosa e Lai.
Legenda: Danny MacAskill e Claudio Caluori en la regiun d'Arosa e Lai. MAD

Cun il video «Home of Trails» vuless l’organisaziun da turissem Grischun Vacanzas promover il sport da bike en il chantun. Per far quai, han els engaschà il Scot Danny MacAskill che vala en la scena da bike sco star. Ensemen cun il biker indigen Claudio Caluori mussan els lur trics en las muntognas grischunas. Da viadi èn els en las regiuns da velo sco Arosa Lai, Tavau Claustra, Engiadina San Murezzan, Flem u era Scuol Samignun Val Müstair. Sco Grischun Vacanzas scriva en ina communicaziun, duai il video mussar las regiuns grischunas da lur «vart pli bella e spectaculara».


Il video da promoziun da Grischun Vacanzas

RR novitads 12:00