Siglir tar il cuntegn

Header

cuntegn

Grischun Vacanzas «Infurmaziun persunala po era esser digitala»

Tenor studis da Grischun Vacanzas vegn la purschida digitala pli e pli impurtanta per ina destinaziun da vacanzas. Spurtegls da turissem dovri dentant era vinavant.

Social media, pagina d'internet, contact per e-mail – Grischun Vacanzas sa focussescha sco l'organisaziun turistica da marketing dal Grischun cunzunt sin lur purschida digitala. L'incumbensa da l'organisaziun saja numnadamain da trair ils giasts en il chantun Grischun a far vacanzas.

Infurmaziun al lieu è chaussa da las destinaziuns

Cura ch'ils turists èn ina giada en il chantun saja chaussa da las destinaziuns d'infurmar ed accumpagnar il giasts. Grischun Vacanzas sustegna cunzunt las destinaziuns cura ch'i va per la preschientscha sin las paginas d'internet. Ils studis da l'organisaziun dals davos onns hajan mussà ch'ils giasts s'infurmeschan ozendi adina dapli sin la rait davart las destinaziuns da vacanzas.

Tuttina manegia Luzi Bürkli da Grischun Vacanzas ch'ins na sappia era en il futur betg desister dal tut sin ils spurtegls da turissem. Ch'i dettia dentant forsa in spurtegl da Grischun Vacanzas a Cuira, là nua ch'ils blers turists arrivan sco emprim en il chantun, na vegnia en il mument betg en dumonda.

audio
Bunura: Spurtegls da turissem: la posiziun da GR vacanzas
ord Actualitad dals 19.12.2019.
laschar ir. Durada: 2 minutas 41 Secundas.

RTR actualitad 07:00

Artitgels legids il pli savens