Siglir tar il cuntegn

Header

In capricorn en la mutogna cuvretga cun neiv. Davostiers vesan ins la staziun da muntogn dad ina pendiculara ed ina bandiera svizra che sgulatscha en il vent.
Legenda: Guarda gugent era vers l'Austria: Il capricorn da Grischun vacanzas MAD
cuntegn

Chantun Grischun vacanzas recumonda interpresa austriaca

Grischun vacanzas ha tschernì in'interpresa austriaca per commerzialisar ils hotels grischuns online.

Grischun Vacanzas aveva gia l'onn passà fatg - cun singuls hotels - in test cun la software da la firma austriaca OMP Tools. Ils resultats sajan stads uschè positivs - ch'il project vegnia schlargià sin tut ils hotels.

Firma austriaca nagin problem per Grischun vacanzas

Oliver Kersthold da Grischun vacanzas na vesa nagin problem en il fatg che la firma è da l'Austria e betg da la Svizra. Plinavant pronunzia Krestholt cunzunt che Grischun vacanzas n'haja betg ina relaziun da fatschenta directa cun la firma austriaca.

Grischun vacanzas haja sulettamain fatg l'evaluaziun tge firma che saja la meglra per promover ils hotels grischuns en l'internet. E quella purschida cusseglia Grischun vacanzas vinavant a las destinaziuns.

Decisiun finala schai tar las destinaziuns

Las destinaziuns pon decider, sch'ellas cusseglian vinavant la purschida da la firma austriaca als hotels. La finala decidan lura ils hotels sezs, sch'els veglian far diever dals servetschs da la OMP Tools u betg.

Artitgels legids il pli savens

Scrollar a sanestra Scrollar a dretga