Siglir tar il cuntegn
cuntegn

Chantun Grischun vul promover turissem da sanadad

Il Grischun vul carmalar uschenumnads giasts da sanadad. La regenza grischuna ha perquai instradà ina gruppa directiva per promover il turissem da sanadad.

vista en il bogn Scuol cun blera glieud en l'aua
Legenda: Far bogn è gia tar ils Romans stà bun e sanadaivel. Uschia er en il Grischun. RTR, Reto Mayer

L'incumbensa da la gruppa è da sviluppar concepts e strategias per purschidas attractivas e innovativas en quest sectur. La gruppa directiva vegn manada dal deputà engiadinais Philipp Gunzinger.

Ils ulteriurs commembers da la gruppa directiva:

  • Heinz Dudli, deputà, inschigner da construcziun diplomà SPF/SIA
  • Ariane Ehrat, CEO da l'organisaziun turistica Engiadina San Murezzan
  • prof. dr. med. Markus Furrer, schefmedi da la chirurgia da l'ospital chantunal dal Grischun
  • Susanne Lebrument, commembra da la direcziun da la Somedia
  • Josef Müller, directur dals servetschs psichiatrics dal Grischun
  • Peder Plaz, Hauser e partenaris SA
  • prof. R. Geoff Richards, directur dad AO Research and Development
  • dr. med. Adrian Urfer, delegà/CEO da la clinica Gut
  • dr. med. Beat Villiger, anteriur manader da l'institut da medischina da sport Tavau
  • Martin Vincenz, directur da Grischun vacanzas
  • Ernst Wyrsch, president da hotelleriesuisse Grischun
  • Eugen Arpagaus, manader da l'uffizi per economia e turissem
  • Adrian Dinkelmann, uffizi per economia e turissem
  • dr. Rudolf Leuthold, manader da l'uffizi da sanadad
  • lic. iur. Gion Claudio Candinas, secretari dal departament

RR novitads 11:00