Siglir tar il cuntegn
Inhalt

Chantun Grond privel da fieu en Grischun

La gronda setgira augmenta il privel d'incendis da guaud en Grischun. Grond è il privel tranter auter en Surselva, il Plaun, il Grischun central e parts da l'Engiadin'Ota. Qua averteschan las autoritads da far fieus en il liber. En il rest dal chantun è il privel considerabel.

Purtret da la charta dal chantun.
Legenda: La charta actuala mussa che l'entira Surselva, la Val dal Rain e parts dal Grischun central han in privel da fieu aut. MAD, Uffizi chantunal per guaud e privels da la natira

L'Uffizi da guaud e privels da natira dal Grischun avertescha d'esser precaut cun far fieu. Cun privel da fieu augmentà èsi scumandà da far fieu en il guaud ed en la vischinanza dal guaud. En ils territoris cun privel da fieu grond èsi da desister da far fieu en il liber. En general vala da betg laschar arder in fieu senza controlla e betg bittar cigarettas e zulprins en la natira.

La plievgia che vegn proximamain en l'entira Svizra, pudess mitigiar il privel.

RR novitads 17:00