L'emprima furniziun dal vaccin hajan ins survegnì avant bun in'emna. Pervi da la gronda dumonda saja quella dentant gia quasi duvrada en Svizra. Er en il Grischun vesia quai or sumegliant, ha ditg Monika Fehr, la presidenta da las apotecras e dals apotechers grischuns:
La proxima furniziun pli gronda saja empermessa per la fin d'october. E per il december haja er la Confederaziun anc empustà dapli vaccin. I na saja er nagin problem da spustar anc in zic la vaccinaziun cunter la grippa perquai che las pli bleras infecziuns dettia per regla pir vers la fin schaner, entschatta favrer.