Siglir tar il cuntegn

Header

Ina platta cun tschigulatta.
Legenda: Degustar, sa scutrar e siemar a la fiera d'atun Guarda! a Cuira. MAD
cuntegn

«Guarda!» Sentir il Grischun a la fiera d'atun «Guarda!»

La fiera d’atun va en la segunda runda. Suenter il success dal onn passà cun circa 20’000 visitaders vulan ils organisaturs persvader la glieud cun in nov program.

A partir dals 31 d’october fin ils 3 da november ha la fiera d’atun «Guarda!» lieu sin l’areal Obere Au a Cuira. 90 expositurs dal sectur da turissem, moda, mastergn, victualias regiunalas e sanadad presentan lur purschida sin in areal da circa 10’000 meters quadrats.

Quatter hallas cun differents temas

La fiera consista ord 4 hallas cun in num spezial che correspunda al tema. Uschia datti la halla «martgà», «puraria e ragischs», «event» e la halla «plaschair».

En quellas hallas èsi pussaivel da degustar, sa scuntrar e da far part da differentas occurrenzas. Tranter auter datti era podis nua ch’ins po emprender co la charn grischuna sa tschenta sin il taglier. igl è era pussaivel d’emprender da sautar «Line-Dance» e schizunt ina mazlaria temporara è vegnida installada nua ch'ins po persequitar co in animal vegn mazgegià.

RR actualitad 11:15