Siglir tar il cuntegn

Header

(da san.) Yoichi Funabashi, schurnalist giapunais en discurs cun Masao Uchibori, guvernatur da Fukushima  RTR, F. Caduff al WEF a Tavau
Legenda: (da san.) Yoichi Funabashi, schurnalist giapunais en discurs cun Masao Uchibori, guvernatur da Fukushima RTR, F. Caduff
cuntegn

Chantun Guvernatur da Fukushima vul meglierar l'image da sia regiun

La situaziun en la regiun da Fukushima saja meglra che pensà. Quai ha ditg il guvernatur da Fukushima durant ina conferenza al WEF. Il pli impurtant saja uss da promover l'image da la regiun.

5 onns suenter la catastrofa d’atom a Fukushima è la situaziun sa calmada en la regiun. Mo anc 7% dal territori sajan dad evitar. Il rest saja puspè dà liber per viver, ha ditg il guvernatur da Fukushima. La gronda part da la glieud na turnia dentant betg enavos pli. Quels che turnian sajan plitost glieud pli veglia. La tema ed ils purtrets da la catastrofa sajan anc adina en ils chaus.

Attrair ils giuvens

Per pudair garantir in futur a la regiun da Fukushima dovria dentant giuventetgna. Perquai saja il mument impurtant da pudair mussar il svilup che la regiun haja fatg.

Il guvernatur ha fatg in exempel:

Il prinzi William da l’Engalterra ha fatg ina visita a Fukushima. Ensemen cun il primminister dal Giapun ha el tschainà. Ina tschaina mo or da products da la regiun da Fukushima. Il Prinzi haja ditg che quella haja gustà.

Reparar ils donns da la catastrofa dat anc blera lavur:

  • Schubregiar l’aua contaminada
  • Promover l’industria, l’agricultura ed il turissem
  • Investir en las energias regenerablas
  • Porscher ina buna educaziun

Uschia vul Fukushima meglierar ses image.

Artitgels legids il pli savens

Scrollar a sanestra Scrollar a dretga