Cun 31 cunter 21 vuschs ha la fracziun da la Partida populara svizra dal Cussegl naziunal elegì Heinz Brand sco candidat per il presidi dal cussegl. Cunquai èn las schanzas bunas per il cusseglier naziunal da la PPS da daventar il 2021 president dal Cussegl naziunal ed uschia il pli aut Svizzer. Il 2019 fiss el segund vicepresident ed il 2020 vicepresident dal Cussegl naziunal.
Quai è in grond mussament da fidanza per l’ina e per l’autra hai jau in grond gust, perquai che quai è il punct culminant da mia lavur politica.
Sco proxim pass ston las fracziuns da las ulteriuras partidas approvar l'elecziun da Heinz Brand. Cun gronda resistenza n'èsi però betg da quintar – quai perquai che Brand vala sco politicher cun acceptanza sur la partida ora. Dasper Brand eran er il Friburgais Pierre-André Page, il Appenzellais David Zuberbühler ed il Bernais Andreas Aebi sa mess a disposiziun.
Il Cussegl naziunal elegia lura en la sessiun d'enviern.
RR novitads 17:00