Dapi il mars èn las cifras da pernottaziuns a Cuira crudadas ensemen fermamain. I ha perfin dà notgs nua ch'ils hotels n'avevan gnanc in singul giast. La stagiun da stad èn las cifras sa remessas in zic. Tuttina datti bunamain 40% pli paucas reservaziuns che l'onn passà. Er il mais da settember fan ins quint cun 40% pli paucs giasts. Quai era perquai che la parada da schlagher è revocada.
Sche tscherts hotels han da serrar lur portas per adina n' è anc betg cler. Segir è che betg mo ils proxims mais daventan grevs mabain ils proxims dus onns. Il turissem naziunal na basta betg per gulivar las cifras bassas. Ins dovra ils turists da l'America e da l'Asia.
Il mument è l'avegnir da l'hotellaria a Cuira betg clera. Ins ha però la speranza ch' ins riva pli u main bain tras questa crisa.
