Siglir tar il cuntegn

Header

cuntegn

Chantun Hotels grischuns han dumbrà dapli giasts

L'october 2016 ha il Grischun pudì nudar bunamain 10% dapli pernottaziuns, quai cumpareglià cun il medem mais l'onn avant.

Legenda:
Pernottaziuns en Grischun: Cliccar sin ils onns per activar e deactivar las lingias per cumparegliar las pernottaziuns da differents onns. ORIGINAL Quai è il diagram cun tut las cifras - mo duvrar per retschertgas Cifras da l'Uffizi federal da statistica (2005-2018)

Cun 22’000 pernottaziuns (9,6%) dapli ha il Grischun il pli ferm augment da tut las 14 regiuns turisticas. Quai scriva l'Uffizi federal da statistica. I suonda il Tessin cun 21’000 pernottaziuns, il Vad cun 17’000 pernottaziuns e lura il Vallais cun 16’000 pernottaziuns. La regiun da Lucerna ha percunter registrà in minus da 7’700 (- 2,6 pertschient).

audio
Mezdi: Optimissem precaud tar cifras da pernottaziuns
ord Actualitad dals 05.12.2016.
laschar ir. Durada: 1 minuta 14 Secundas.

En l'entira Svizra hai dà l'october in plus da passa dus pertschient. Cunzunt creschidas èn las pernottaziuns da giasts indigens.

Stagiun da stad 2016 en il Grischun

Las cifras da pernottaziun da l'entira stagiun da stad 2016 en il Grischun èn restadas pli u main tuttina sco la stad avant in onn. Il Tessin ha dentant pudì augmentar las pernottaziuns per 6,3% (99’000 pernottaziuns). La pli gronda perdita ha la regiun da Lucerna registrà cun 82'00 pernottaziuns (- 3,6 pertschient).

RR novitads 10:00

Artitgels legids il pli savens