Siglir tar il cuntegn

Chantun I dat daners federals per la trilinguitad grischuna

Il Grischun survegn daners da la Confederaziun per sustegnair la trilinguitad. Sco quai che la regenza ha communitgà haja ella approvà ina cunvegna da prestaziun correspundenta cun l'Uffizi federal da cultura.

paraid da laina cun in scrit «palpieri - Papier»
Legenda: La Confederaziun sustegna il Grischun da promover sia trilinguitad. (maletg simbolic) Keystone

La cunvegna prevesa radund 21,2 milliuns francs per ils onns 2017 fin 2020.
Il chantun sto prender mesiras per promover lingua e cultura rumantscha e taliana e sustegnair organisaziuns ed instituziuns correspundentas.
Ultra da quai sto il Grischun approvar daners per promover il rumantsch en las medias.

Per la perioda 2017–2018 èsi ultra da quai previs che l'agid finanzial da l'Uffizi federal da cultura al chantun Grischun vegnia giuditgà e valità da vart externa. Uschia duai vegnir examinà l'effect da las mesiras dal chantun, las prestaziuns da las organisaziuns ed eventualas midadas per la proxima perioda.

RR novitads 10:00