Siglir tar il cuntegn
Carta da privel da fieu dal chantun dals 27 da settember.
Legenda: Carta da privel da fieu dal chantun dals 27 da settember. gr.ch

Chantun I regia vinavant privel da fieu

Er sche l'atun è arrivà cun temperaturas pli frestga manca la plievgia uschia ch'igl è anc adina fitg sitg en grondas parts dal chantun. Perquai datti anc adina parts dal Grischun cun in scumond da far fieu absolut en e datiers da guauds.

En il Mesauc, en la Val dal Rain, en la part davant dal Partenz ed en la part davant da la Tumleastga regia actualmain anc adina in scumond da far fieu absolut en e datiers da guauds. En Surselva, en parts dal Grischun central, en parts dal Partenz ed en grondas parts da l'Engiadina Bassa vala in privel considerabel ed en il rest dal chantun in privel moderà.

Situaziun precara

Tenor Andreas Huwiler da l'Uffizi per guaud e privels da natira saja la situaziun cumpareglià cun auters onns en general fitg precara. Sch'ins guardia sin la previsiun da l'aura dals proxims dis, sa midia quai er betg. Per che la situaziun sa calmia puspè dovria quai plievgia intensiva sur plirs dis, uschia Andreas Huwiler.

RR actualitad 07:00

Artitgels legids il pli savens