Surtut deputadas e deputads da la PCD e da la PS èn s’engaschads per tractar questa sessiun la lescha da chatscha. I saja stà il Cussegl grond sez che haja incaricà il cusseglier guvernativ Mario Cavigelli (PCD) da surlavurar la lescha e perquai saja ussa era l'incumbensa dal cussegl grond da discutar la lescha, è vegnì argumentà.
Fauss timing
Betg entrar en la discussiun vulevan exponents da la PLD, da la PPS, parts da la PBD ed ils chatschaders ch’èn en il cussegl grond. Per els n’èsi betg il dretg mument da discutar ina revisiun – cunquai che duas iniziativas èn anc pendentas ed era la revisiun da la lescha federala è sin rucca.
Cun la decisiun d’entrar en la debatta ha il cussegl grond terminà l’emprim di da la sessiun – la discussiun dals detagls suonda mardi.
RR novitads 18:00