Siglir tar il cuntegn

Header

cuntegn

Chantun Il 2017 vegn Giacometti part da Hollywood

Avant 1 onn è per l’emprima giada vegni infurmà ch’i dat in film da Hollywood davart l’artist Grischun Alberto Giacometti. Uss è enconuschent ch’il film cul num “Final Portrait” vegn el decurs dal 2017 en ils kinos.

Dapi paucas emnas è il film en producziun. Filmà vegn el en els renumads studios Twickenham a Londra, ed el conturn da Londra.

Cuntegn

Sco basa dal film vala il cudesch «A Giacometti Portrait» dal criticher d'art american James Lord. Quel era in bun ami da Giacometti. Il film vegn buc a mussar l'entira vita da Giacometti, mabain mo ina pitschna part, in pèr paucs onns avant ch'el mora.

L’actur australian Geoffrey Rush.
Legenda: L’actur australian Geoffrey Rush vegn a giugar Alberto Giacometti. Keystone

Film cun acturs prominents

L’actur Geoffrey Rush gioga Alberto Giacometti. El è enconuschent ord films sco «The Kings Speech», nua ch’el gioga in terapeut da lingua, u ord «Pirates Of The Caribbean».

Ma er auters acturs da num e pum giogan en il film «Final Portrait». Per exempel Tony Shalhoub, che blers enconuschan ord la seria Monk, nua ch’el gioga il detectiv dubius. Er acturs sco Armie Hammer, Clémence Poesy u Sylvie Testud èn acturs che han laschà enavos lur fastizs en films da Hollywood.

Artitgels legids il pli savens