Il caricaturist Günther Ursch è mort

Il caricaturist grischun Günther Ursch è mort il glindesdì en la vegliadetgna da 79 onns, quai ha communitgà sia famiglia.

Günther Ursch. Bild in Lightbox öffnen.

Legenda da maletgs: La Svizra Rumantscha ha mussà ils 04.01.1981 il film 'Rätia prima - prima Rätia - nua ch'ins vesa Günther Ursch disse... RTR

Ursch ha tranter auter lavurà durant radund 30 onns sco caricaturist per il 'Bündner Tagblatt', nua che dapli che 1'000 caricaturs èn vegnidas publicadas. Sias illustraziuns èn però adina puspè vegnidas stampadas era en gasettas naziunalas, sco per exempel il 'Nebelspalter' e la 'Schweizer Illustrierte'.

Plirs cudeschs, sco 'Rätia Prima' e 'Rätia Secunda' e 'Freitag, der 32.' mussan sia enconuschientscha fundada dal Grischun.

L'onn 2004 ha el survegnì il premi da renconuschientscha da la regenza grischuna.

RR novitads 08.30