Siglir tar il cuntegn

Header

vatgas nairas e brinas sin in prà
Legenda: Vatgas mamma sin in prà ad Igis. Keystone
cuntegn

Chantun Il chantun sustegna reclama per vender animals da niz

Il chantun promova enfin uss la vendita d’animals da niz, quai cun sustegnair la reclama ma er cun mesiras per distgargiar il martgà. Uss pon questas mesiras vegnir surdadas ad organisaziuns privatas, quai communitgescha la regenza grischuna.

En il Grischun procura la graubündenVIEH SA per ina vendita optimala dal muvel. Sco indemnisaziun pauschala survegn ella per l'onn current 106 000 francs per quest intent. Per l'organisaziun dals martgads publics da muvel da maz vegn pajada ina contribuziun da basa da 140 000 francs. Vitiers vegnan contribuziuns per chau per arments, per nursas e per chauras. Ultra da quai vegn il martgà da nursas e da chauras promovì er quest onn cun ina contribuziun da 6 francs per animal commerzialisà. Partind da 20 000 animals resulta ina contribuziun totala da var 120 000 francs per onn. Per nursas che vegnan vendidas e transportadas davent en las vals dal sid vegn pajada ina contribuziun da transport da 4 francs per animal.

Politica federala surlascha la tratga al martgà

La politica agrara federala 2014 – 2017 che cuntegna il nov sistem da pajament direct surlascha la tratga d'animals cumplettamain a las reglas dal martgà liber, perquai ch'ils pajaments directs che sa refereschan a l'animal crodan davent. En quest senn conceda il chantun ina contribuziun da 90 000 francs per l'amortisaziun dal center da commerzialisaziun da muvel a Cazas. Uschia duain vegnir realisadas cundiziuns generalas favuraivlas per la commerzialisaziun da muvel en il Grischun.

RR novitads 10:00

Artitgels legids il pli savens

Scrollar a sanestra Scrollar a dretga