Entschet ha la fatschenta cun ils placats dentant gia il favrer. Lura ha la APG, la societad generala da placats, vendì ils emprims plaz da placats a las partidas. Tge placat cun tge candidat che stat lura nua, gliez decida la APG. «Dentant pon las partidas far giavischs e per il solit vegn la APG dad ademplir quels», di Massimo Bonotto, manader regiunal da la vendita Svizra da l'Ost.
Placats en las regiuns n'èn betg menders
Il pli grond effect hajan placats sin vias e staziuns, dentant era en centers da cumpras e chasas da parcar. Dentant ils placats en las regiuns n'èn betg menders, cunzunt betg, sch'els èn bain vesaivels dal traffic.
Daners restan in misteri
Per tractar las partidas tuttina, metta la APG a disposiziun a tuttas partidas 4 emnas avant l'elecziun il medem dumber da placats pigns. Ils placats classics, pia ils gronds, cumpran las partidas individualmain - tut tenor budget. E quel è differents. Quant che mintga partida dat or per lur placats, na ha Massimo Bonotto dentant betg tradì.