Siglir tar il cuntegn
cuntegn

Chantun Il di dals Grischuns a l'Expo a Milano

Semussar al mund; quai è la finamira principala dals stadis che fan part a l'exposiziun mundiala a Milano. Ed oz è il Grischun en questa fanestra mundiala cun il di uffizial dal Grischun sco giast spezial en il pavigliun svizzer - tranter auter cun l'exposiziun «horizonts da muntogna».

bajetg dal pavillon svizzer cun l'inscripziun "ce n'è per tutti?"
Legenda: Il «padiglionie Svizzero» è sut l'ensaina grischuna ils dis dal Grischun. Il pavillon è concepì avert per mussar las prestaziuns e la forza d'innovaziun svizra. Keystone

L'exposiziun interactiva era vegnida creada l'onn passà cun chaschun da l'anniversari dal Parc Naziunal Svizzer. Ils exponents da parlament e regenza grischuna han però era ina missiun sper l'exposiziun dal Parc Naziunal: Far reclama en atgna chaussa e perschvader firmas talianas d'investar en il Grischun.

La finamira principala da l'engaschi grischun è ch'il chantun vegn percepì sco vischin simpatic cun gronda valur per il temp liber, d'ina italianità viva ed cundiziuns generalas optimalas per l'economia. Al di Grischun vegn offrì ina plattafurma per ils represchentants grischuns da turissem, economia e cultura.

La lescha da lavur liberala, taglias èn garantì in tema, las qualificaziuns da collavuraturs, access a la savida en chaussa tecnologia.
Autur: Eugen Arpagausschef Uffizi d'economia GR

A l'exposiziun mundiala 2015 a Milaun sa preschenta il Grischun ensemen cun ils chantuns dal Gottard, Tessin, Uri e Vallais en il pavillon svizzer, il «Padiglione Svizzero». Sper l'exposiziun communabla «Acqua per l'Europa» porscha il Grischun era diversas occurrenzas.

Dals 1. da matg fin ils 31. d'october 2015 è a Milaun l'exposiziun mundiala davart il tema «nutrir il planet, energia per la vita».

RR Actualitad la bunura 06:00