La nova lescha duai reglar co ins po daventar burgais e co ins po perder il dretg da burgais chantunal. Ella duai vegnir adattada al dretg federal revedì. Per ina natiralisaziun pretenda il dretg federal revedì da nov per exempel ina permissiun da domicil sco er enconuschientschas linguisticas en scrit d'ina lingua naziunala. Quai èn cundiziuns pli severas che quellas che ston vegnir ademplidas oz en il chantun Grischun.
La lescha duai entrar en vigur l'emprim da schaner 2018. La consultaziun dura fin l'emprim da december 2016.
RR novitads 12:00