Siglir tar il cuntegn

Header

cuntegn

Chantun Il duel tranter Lebrument e Pult

Jon Pult renfatscha a Hanspeter Lebrument ch'el scumondia a ses schurnalists da la Somedia da scriver criticamain davart gieus olimpics en il Grischun. Lebrument parescha: Quai saja legitim da far in tschert squitsch sin la redacziun. Er per il Cussegl svizzer da la pressa è ses agir nunproblematic.

Tenor la renfatscha da Pult scumondia Lebrument als schurnalists da la Somedia d’esser critics envers la candidatura dal Grischun per gieus olimpics 2026. Lebrument sez di che quai saja legitim da far «in tschert sqitsch». Ed er ils critichers hajan survegnì en sias gasettas ina vusch per lur commentaris.

L'impurtant è che l’independenza interna da la redacziun e la libertad da pressa interna vegnan mantegnidas.
Autur: Max Trossmann vicepresident dal Cussegl svizzer da la pressa

Preistorgia

Avrir la box Serrar la box

Ils 06-10 aveva Hanspeter Lebrument envidà represchentants da las 7 vischnancas nua ch’i dess gieus olimpics per discutar ed infurmar davart ils gieus olimpics en Grischun. Per rapportar ha el dentant be envidà ils agens schurnalists. Tenor Lebrument n'era quai betg ina conferenza da medias, mabain in'infurmaziun organisada sin iniziativa privata.

Tenor il Cussegl svizzer da la pressa na saja quai betg problemati,c sche Lebrument di ad in u l'auter schefredactur tge ch'el legess gugent, dentant be uschè ditg sco la redacziun restia independenta ed haja sezza il davos pled en chapitel tge ch'ella publitgescha e tge betg.

Debatta publica

Jon Pult ha envidà ad ina dispita publica, Hanspeter Lebrument ha acceptà.

La mesemna saira èn il politicher da la PS, Jon Pult e l'editur da la Somedia, Hansepter Lebrument sa duellads en in duel public. Quai en la chasa Somedia a Cuira. Bun 1 ura han els discutà, filosofà ed era sa dispità davart gieus olimpics en il Grischun. Igl è stà ina discussiun cun bler emoziuns ed omadus èn propi s'engaschads per lur opiniun.

Artitgels legids il pli savens