Ils 2'094 dischoccupads correspundan ad ina quota da dischoccupads da 1,9%. Uschia è la quota sa sbassada per 0,2 % cumpareglià cun il medem mais da l'onn 2015. Il november 2016 eran quai anc 2'100 persunas senza lavur, ussa pia sis persunas pli pauc.
Dals 2'094 dischoccupads èn 541 stadas dunnas e 1'553 umens. Ils pli auts dumbers da dischoccupaziun han nudà la branscha da construcziun (825), l'hotellaria (264) sco era ils secturs da sanadad e da socialesser (109). Quai communitgescha l'Uffizi per industria, mastergn e lavur dal Grischun.
En l'entira Svizra è il dumber dals dischoccupads creschì il december per bun 10'000 persunas sin 159'372. Quai munta ina quota da dischoccupaziun da 3,5%.