Siglir tar il cuntegn

Header

Il Glacier Express tranter Andermatt e Realp.
Legenda: Il Glacier Express tranter Andermatt e Realp. Keystone
cuntegn

Chantun Il Glacier Express vegn renovà

Posiziunar da nov il Glacier Express sco in product da premium, quai è in project communabel da la Viafier Retica e da la Matterhorn Gotthard Bahn MGB.

Finamiras dal project “Svilup” sajan las structuras organisatoricas, l’orientaziun augmentada sin ils martgads impurtants ed il svilup dal product e dal servetsch. Quai scriva la BVZ Holding SA, possessura dal Glacier Express e da la MGB. Emprims resultats sajan da spetgar ella segunda mesadad dal 2016.

Glacier Express cun sperdita

L’onn da fatschenta 2015 ha il Glacier Express nudà ina sperdita da 3% tar las frequenzas sin var 188’000, ed ina sperdita da 2,6% tar las entradas. Grazia a respargns ha il Glacier Express tuttina pudì nudar il 2015 in resultat positiv, scriva la BVZ Holding SA.

BVZ cun plus il 2015

L’entira gruppa BVZ ha pudì augmentar il gudogn il 2015 per 1,8% sin circa 140 milliuns francs en cumpergliaziun cun l’onn avant. Il cussegl d’administraziun propona a la radunanza generala da puspè sbursar ina dividenda da 11 francs per aczia, annunzia la BVZ.

RR Novitads 09:00

Artitgels legids il pli savens

Scrollar a sanestra Scrollar a dretga