Siglir tar il cuntegn

Chantun Il «Graubündel», in nov souvenir dal Grischun

Il «Graubündel» è in satgados ch'ins sa faudar dapart tar ina cuverta da picnic. In nov souvenir cun il qual Grischun vacanzas vul preschentar al turist artisanat grischun e persistenza. Il «Graubündel», insumma la lavur da la marca «Grischun», è stada en il center la gievgia al di da marca.

Plirs products ord il Grischun.
Legenda: Il «Graubündel» che ha gudogna la concurrenza. mad

Il project era vegnì lantschà avant in onn sut il num «Souvenirs persistents per il Grischun». L'idea victura il «Graubündel» è vegnida preschentada ed undrada a sur 100 visitaders. Grischun vacanzas aveva decidì il 2014 da producir novs souvenirs per il Grischun.

Ins haja tschernì 6 souvenirs or da las 90 ideas che sajan vegnidas inoltradas, uschia Grischun vacanzas. Il project era vegnì lantschà sut il num «Souvenirs persistents per il Grischun». En producziun van ussa per exempel «il buc stinà» in capricorn che duai servir sco stopper per portas. U in gieu da memoria «Bündnertütsch - Hochdeutsch».

Tranter auter è il project per souvenirs persistents vegnì realisà cun plirs partenaris: sco per exempel la regiun dal Parc Ela, Sedrun Mustér Turissem, la Viafier retica u er hoteleriesuisse Grischun. La scol'auta da Lucerna ha coordinà scientificamain quest project.