Iniziant da quest project è il president da la regenza grischuna Christian Rathgeb. Sco el di, sajan tut las 150 visiuns unicas e plaschian er ad el. Ellas mussian per gronda part in futur positiv per il Grischun. Quai saja essenzial per ina visiun.
Fantasia tar ils scolars, ma è tar ils pli vegls
Visiuns plain fantasia preschentan differentas classas da scola per l’onn 2050. Insatge che na dastga tenor bleras classas betg mancar en il futur sajan sgrattatschiels. Ils scolars da Tavau, Roveredo e Sedrun vesan en lur visiun vitgs cun sgrattatschiels.
I n'è dentant betg uschia che mo uffants mussan lur fantasia. Er persunas or dal mund dal sport, da la cultura u impressaris mussan lur ideas en il cudesch. Tranter quels èn per exempel il skiunz Carlo Janka, il trenader da hockey, Arno Del Curto, l’uvestg Vitus Huonder u l’architect Thomas Domenig senior.
Kühne vesa en la regiun da Tavau il Silicon Valley medicinal.
Ina visiun che plascha fitg bain a Rathgeb è quella da l'impressari tudestg, Klaus Michael Kühne. «Kühne vesa en la regiun da Tavau il Sillicon Valley medicinal.» Tavau duess daventar IL lieu sch’i va per la medischina.
Co il Grischun vesa la fin finala ora il 2050 è natiralmain grev da respunder. Christian Rathgeb è dentant persvas ch’i dovria visiuns per guardar cun curaschi en l’avegnir.
RR actualitad 07:00