Siglir tar il cuntegn

Header

Navigaziun

cuntegn

Chantun Il meglier video gudogna il «Cristal»

«Ina vusch per mintgin» è il motto cun il qual la pro infirmis lantscha ina concurrenza per il premi «Cristal». Per guadagnar èsi da far in clip da musica.

Legenda: Guardar il video Il meglier clip da musica gudogna il premi da la pro infirmis. Durada 01:11 minutas.
Or da RTR dals 27.03.2017.

L'organisaziun pro infirmis surdat mintga onn in premi, il «Cristal». Quel onurescha instituziuns che sa dattan gronda fadia d'integrar persunas cun impediments. Per uonn duei la musica unir ed integrar. La pro infirmis ha lantschà in'acziun da far clips da musica - cun il telefonin ubain cun la photocab en la chasa da musica blue wonder a Cuira.

U che persunas cun impediments fan il clip ubain ch'els sunan, sautan u chantan en il clip. Impurtant è ch'igl è ina producziun communabla. Ils clips pon ins inoltrar enfin ils 31 d'avust. Lura guarda ina giuria tgenin ch'ha guadagnà. Per lantschar l'acziun han numerus musicists dal Grischun sco per exempel Gimma, Hampa Rest, Nyna Dubois ubain Jörg Guyan gia fatg clips. Quels èn da vesair sin la pagina web: www.musik-unterscheidet-nicht.ch.

La concurrenza

La concurrenza

I va per far clips da musica cun il telefonin ubain cun la photocab en la chasa da musica blue wonder a Cuira. U che persunas cun impediments fan il clip ubain ch'els sunan, sautan u chantan en il clip. Impurtant è ch'igl è ina producziun communabla. Ils clips pon ins inoltrar enfin ils 31 d'avust.