Siglir tar il cuntegn

Header

cuntegn

Chantun Il november stgauda anc ina giada, dentant senza records

Suenter ina stad da chaliras pudess in u l'auter avair plaunsieu avunda da las temperaturas autas. Schebain ch'i aveva dà in lev rinfrestg cun la naiv e la plievgia la fin d'october, èsi dapi il cumenzament dal november puspè fitg miaivel.

Ils viandants ed ils mountainbikers pon sa legrar sin in'entschatta da november plain sulegl e temperaturas miaivlas. Il cumenzament da quest'emna ha gia purtà temperaturas d'enturn 20 grads.

Quai grazia al favugn. Tenor Jürg Zogg da SRF Meteo n'è quai nagut d'extraordinari. Il november èsi savens il cas ch'il favugn dirigia l'aura en il Grischun.

Nagin november da record

Las temperaturas restan fin la fin d'emna sin in nivel aut, ma in record na muntan quellas betg. La temperatura maximala ch'è vegnida mesirada insacura en il Grischun il november era 24,4 grads. Questa temperatura han ils meteorologs gì mesirà ils 6 da november 1997.

RR actualitad 08:00

Artitgels legids il pli savens