Chau chavriel ni ina cua da castur, quellas spisas vegnevan l’onn 1559 sin maisa da l'uvestg. Sper charn e pèsch era autras exclusivitads, tut cundì cun spezarias da tiaras lontanas. Quai è vegnì enconuschent grazia ad ina casualitad. Ina dunna turitgaisa ha chattà in cudesch vegliander si surchombras cun far urden e regalà quest cudesch a l’istoricher Walter Letsch da Zollikon.
Jau hai spert realisà che quai è in stgazi nunditg. Suenter lungas retschertgas hai jau chattà ora che quai sto esser stà in cudesch cun recepts vegls per il uvestg da Cuira.
Sis differents cuschinunz han lavurà per il uvestg e notà ils recepts. Quai mussan las sis differentas scrittiras ch’ èn per part grevas da leger. Walter Letsch ha transcrit l’entir cudesch ed ussa edì ina nova ediziun.
Ins na po betg simplamain cuschinar uschia ina spisa. I mancan indicaziuns da temp e da quantitads. Ma igl è fitg interessant da vesair, tge ingredienzas ch’i deva da lez temp.
Safran, schentsch, paiver e sal eran cundiments usitads per il uvestgieu. Passa 200 recepts cuntegnan schizunt zutger. Quel vegniva transportà da la Caribica. Era a spaisas da charn e pesch vegniva aschentà zutger.
Cun l’uvestg gievi bain. Il simpel pievel n’ha ni mangia charn ni pestg. Lur paun da mintgadi era simpla buglia da semulina.
Letsch vul far accessibel il pli vegl cudesch da cuschinar da la Svizra Tudestga a la publicitad. Uschia ha el regalà il cudesch da l’onn 1559 a l’archiv chantunal. L'archivari chantunal, Reto Weiss, sa mussa fitg cuntent. D'avair quest cudesch en la collecziun saja in grond regal, di el.
RR Telesguard 17:40
