La notg sin glindesdi ha furià in stemprà cun spertezzas da vent da fin 130 kilometers per ura sur la Svizra. Localmain hai pluvì ferm.
Naiv nova e ferms vents laschan crescher il privel da lavinas: Per il Grischun dal Nord e parts da l'Engiadina Bassa vala in grond privel da lavinas (stgalim 4). Quai cunzunt en regiuns sur 2'200 meters. En quellas regiuns èsi da quintar cun lavinas spontanas. L’Institut da naiv e lavinas a Tavau avertescha da betg bandunar las pistas signalisadas. Las cundiziuns sajan memia privlusas.
L'aura sa calma
Glindesdi suentermezdi plovi u naivi mo pli per part. Plaun a plaun sa calma l'aura puspè. Suenter il start en l'emna ch'è stà grisch e bletsch vai a partir da mardi enavant cun aura sulegliva.
Survista e previsiun da l'aura
RR novitads 08:00++