Siglir tar il cuntegn

Header

Maletg simbolic per povradad
Legenda: Var duas terzas da las persunas sustegnidas han uffants. Keystone
cuntegn

Chantun Il Succurs d’enviern dal Grischun ha gidà a var 700 persunas

E l’onn da gestiun passà ha il Succurs d’enviern dal chantun Grischun survegnì 279 dumondas da sustegn. Da questas ha l’organisaziun giuditgà a moda positiva 262 dumondas.

En var la mesadad dals cas èn persunas u famiglias vegnidas sustegnidas finanzialmain. Ed in tschintgavel dals cas ha survegnì in pachet da vestgadira. E per l’emprima giada ha il surdà a 23 scolars e scolaras da l’emprima classa ina tastga da scola.

Tut en tut ha l’organisaziun impundì per l’agid in import da passa 73'000 francs. Quai sajan 10'000 francs dapli che l’onn da gestiun passà, scriva il Succurs d’enviern dal Grischun. Il secretariat da l’organisaziun sa chatta tar l’Uffizi dal servetsch social chantunal e vegn manà da collavuraturs da quel.

RR novitads 17:00

Artitgels legids il pli savens

Scrollar a sanestra Scrollar a dretga