Siglir tar il cuntegn

Chantun Il tempo da fusiunar è stà rasant

La dinamica da fusiunar vischnancas è stada gronda ils ultims onns en il Grischun. Avant 10 onns aveva il Grischun anc 208 vischnanca, a partir da l’auter onn èn quai anc 114.

La fusiun da la vischnanca Surses è stada l'ultima gronda fusiun da quest onn.
Legenda: La fusiun da la vischnanca Surses è stada ina da las ultimas fusiuns da quest onn. Keystone

Barbara Janom-Steiner, la scheffa dal departament da finanzas e vischnancas ha grond plaschair da quest tempo rasant da fusiunar.

I vegn ad ir pli plaun.
Autur: Barbara Janom-Steinercussegliera guvernativa

Ella è dentant conscienta che quest tempo da fusiunar na cuntinuescha betg ils proxims onns. «I vegn adina pli grev cunquai che bleras vischnancas pitschnas han entant fusiunà.» Vischnancas che na vesian betg il basegn da fusiunar dovrian dapli temps per che las discussiuns possian sa madirar, uschia Janom-Steiner.

La finamira da 100 vischnancas grischunas è realistica

Il chantun ha la finamira da reducir il dumber da vischnancas sin tranter 50 e 100 vischnancas. La finamira da 100 saja fitg realistica. Reducir il dumber da vischnancas sin 50 saja dentant fitg grev e dovria anc bler temp.