Per far in nov center da sport d'enviern naziunal ha Lai pudì sa profilar envers la concurrenza. Dentant ha la Confederaziun dacurt mess il project sin glatsch - pervi da mesiras da spargn.
Realisar center senza Confederaziun
La fracziun da la PS dal Cussegl grond pretenda uss en ina moziun da la regenza dal Grischun ch'ella preschentia variantas per in tal project che pudess vegnir realisà mo entras il chantun. Er senza la participaziun da la Confederaziun.
Il Cussegl federal stima ils custs d'investiziun per in tal center da sport sin tranter 60 e 80 milliuns francs, ils custs da gestiun annuals sin tranter 10 e 15 milliuns francs.
Niz per indigens, sport e giuventetgna
Il chantun fiss stà pront da pajar 10 milliuns francs als custs d'investiziun. Tenor la PS na fiss quai gnanc da cumparegliar cun ils custs che gieus olimpics chaschunassan. Ultra da quai fissan las investiziuns en in tal center durablas ed avessan in niz per ils indigens, per il sport e per la giuventetgna.
RR novitads 15:00