L'iniziativa cunter la construcziun dischordinada ha ina clera finamira: Franar l'expansiun da las zonas da bajegiar. Quai cun fixar las grondezzas existentas.
Per Nicolas Zogg, il nov president dals Verds dal Grischun, fiss quai era realistic. I dettia en las zonas da bajegiar numnadamain anc 20% surfatscha da reserva – e quai tanschia per il futur.
Auter vesan quai ils presidents communals da Domat e Landquart. Els vesan surtut ils pretschs da terren, che vegnissan a s'augmentar, perquai ch'il plaz en la zonas da bajegiar vegniss pli e pli pitschen. Tenor els tanscha la lescha davart la planisaziun dal territori actuala.
TSG 17:40