Siglir tar il cuntegn

Header

cuntegn

Chantun Ils flums grischuns restan frestgs

Alarm da chalira, temperaturas da record e nagina plievgia. La sitgira regia, ma tar las auas grischunas n'è la situaziun anc betg precara.

En ils flums grischuns curra magari pli pauca aua che usità, dentant betg alarmond pli pauca aua, di Thomas von Wyl, responsabel per auas da la surfatscha tar l'uffizi da la natira e da l'ambient grischun.

Peschs stenschan en la Bassa

En la Bassa è il problem cardinal la temperatura dals flums. Sche l'aua è memia chauda, na survegnan ils peschs betg avunda oxigen ed els stenschan en l'aua. En ils flums grischuns è l'aua dentant frestg avunda. L'aua grischuna è en general pli fraida, perquai ch'ella deriva savens da glatschers u da funtaunas sutterranas.

Avunda aua da baiver

Era aua da baiver hai il mument avunda en il Grischun, di Thomas von Wyl. Il livel da l'aua sutterrana saja numnadamain aut.

RR novitads 17:00

Artitgels legids il pli savens