audio
La Brass Band da Giuvenils GR tschercha participants
ord Actualitad dals 13.06.2016.
laschar ir. Durada: 2 minutas 5 Secundas.
Il champ da la Brass Band da giuvenils dal Grischun vala dapi decennis sco champ popular. Blers musicists han prendi part al champ a Sursaissa almain ina giada. Malgrà ch’ils resuns èn suenter il champ adina fitg positivs, na sa laschan blers giuvens betg gist puspè obligar per il proxim onn, uschia il president Toni Deplazes.
Nus duvrain 80 participants per pudair far ina a-band ed ina b-band. Da quai essans dalunsch davent.
Quest onn vegnan ins a far in mix d'ensemble ed ina brass band. Uschia pon ins tuttina porscher ina spierta attractiva als participants. Per il futur vegnan ins ussa a stuair pruvar dad animar anc pli ferm als giuvens da sa participar al champ. Ultra da quai duajan era gia las scolas da musica procurar per dapli musicists motivads per il champ da musica da la Brass Band da giuvenils dal Grischun.
RR actualitad bunura