Siglir tar il cuntegn

Header

Lufs giuvens.
Legenda: Lufs giuvens al Calanda. Uffizi da chatscha e pestga grischun
cuntegn

Chantun Ils purs perdan la pazienza cun il luf

Cun sustegn dal chantun duessan ils purs plaun a plaun sa disar vi dal luf. Dentant els vulan dapli, e quai pli spert.

audio
Bunura: Ils purs grischuns spetgan dapli sustegn dal chantun en vista als lufs
ord Actualitad dals 17.02.2016.
laschar ir. Durada: 4 minutas 7 Secundas.

I n’è betg insatge nov che la gronda part dals purs grischuns na vul betg il luf. Els teman per lur scossas. Il chantun ha empermess sustegn, dentant ils purs n’èn betg dal tut cuntents. Els vulan dapli sustegn.

Il chantun mussa encletga per ils purs. Tenor quel dependi dentant era dals purs sezs, quant ditg ch’i va enfin ch’ins chatta ina soluziun. Ils purs duessan prender mesiras da prevenziun avant ch’i detta donns pervi dals lufs. Al Plantahof a Landquart porscha il chantun perquai cussegl per tut ils purs ch’èn interessads.

Collavuraziun per ina soluziun

Era sch’ils purs ed il chantun n’èn per il mument betg tant cuntents cun la situaziun, vulan omadus chattar ina soluziun che cuntenta a tuts. Perquai datti era ina gruppa da lavur “Grossraubtiere Graubünden”. A quella fan part dasper la politica represchentants da tut las gruppas d’interess che han da far cun animals da rapina gronds sco il luf. Era in represchentant dals purs è da la partida.

Las posiziuns dals purs e dal chantun


Purs - Thomas Roffler, president da l’Uniun purila dal GrischunChantun - Jan Boner, incumbensà chantunal per la protecziun da la scossa e pur
1.Il luf è protegì memia ferm. Ins duess dar liber il luf per la chatscha Da decider sch’ins po sajettar ils lufs u betg n’è betg en nossa cumpetenza. Las leschas na savain nus dal Plantahof betg midar
2.Il luf chaschuna lavur e custs supplementars per ils purs. Nus
stuain per exempel segirar nossas scossas pli fitg. E finalmain dovran tut las lavurs supplementaras era ina massa temp

Ina part da la lavur supplementara vegn sustegnida finanzialmain da la Confederaziun. Era nus fissan cuntents sche nus survegnissan dapli. A nus èn liads en quest senn ils mauns
3.Plaunet vegn tut in zic stentus. I vegnan tschertgadas soluziuns dal chantun e da la politica, dentant va tut fitg, fitg plaun. Massa
plaun
Nus empruvainsa da chattar per mintga puraria ina soluziun individuala a lunga vista, e per chattar quella dovra quai pazienza

Igl è stà in luf

Avrir la box Serrar la box

Georg Brosi (Uffizi da chatscha e pestga grischun) ha confermà, ch'in luf ha stgarpà in vadè da tschierv la notg dals 4 sin ils 5 da favrer. Era 3 ulteriurs animals sajan vegnids stgarpads dad in luf.

Il december passà aveva l'Uffizi federal d'ambient lubì da sajettar 2 lufs giuvens dal triep dal Calanda. La lubientscha vala mo enfin la fin da mars.

Artitgels legids il pli savens