In dals avantatgs dals meds d’instrucziun digitals è tenor il rectur Gion Lechmann, ch’ins na po betg mo leger, mabain era lavurar activ cun il med. Per exempel cun graficas interactivas u cun exercizis d’approfundaziun interactivs. Quai saja fitg impurtant per l’instrucziun.
Ma surtut cura ch’i va per l’actualisaziun dals meds d’instrucziun, porschan ils meds digitals gronds avantatgs. En spezial per il rumantsch. Crear novs meds ubain actualisar ils existents saja pli effizient ed uschia pli bunmartgà. Squitschar novs meds en furma da cudesch saja char, surtut per meds d’instrucziun rumantschs, nua ch’ins possia laschar producir mo ediziuns pitschnas.
En la scola chantunala han ins fatg bunas experientschas cun ils meds d’instrucziun digitals. Ins evalueschia perquai, sch'ins vul porscher quests meds digitals er ad autras classas. Tenor il rectur da la scola chantunala, Gion Lechmann, stoppian ins dentant ponderar bain, nua che quai fetschia senn.
RR actualitad bunura 06:00