Siglir tar il cuntegn

Header

cuntegn

Chantun Implant solar per lung A13 presta ussa prest il traidubel

L'implant solar per lung l'autostrada A13 tranter Cuira e Domat è sanà – La «Rhiienergie» l'ha inaugurà.

Ils indrizs solars sin las paraids da protecziun encunter canera per lung l'autostrada A13 èn sanads, e la prestaziun è augmentada: Concret per radund il traidubel, scriva la «Rhiienergie». Quai tanschia per furnir l'electricitad per passa 90 chasadas.

Grischun optimistic da cuntanscher las finamiras

Cumpliments hai dà dal minister d'energia grischun Mario Cavigelli. L'energia solara en il Grischun saja sin buna via. Actualmain correspundia la producziun d'energia solara a 2,5% dal consum total en il Grischun. La finamira saja da cuntanscher ils 10% fin il 2035. Cavigelli è optimistic.

Da lezzas uras l'emprim indriz sin paraids cunter canera

L'implant solar per lung da l'autostrada A13 era vegnì realisà l'onn 1989 sin incumbensa da l'Uffizi federal d'energia. Da lezzas uras sco emprims indrizs solars sin ina paraid da protecziun cunter canera. Il 2005 aveva la «Rhiienergie» surpiglià ils indrizs ed als renovà parzialmain. Ussa è la sanaziun cumplessiva realisada en il decurs dad in mais.

RR novitads 11:30

Artitgels legids il pli savens