Siglir tar il cuntegn

Header

audio
Impressaris constructurs grischuns: Co statti cun la branscha?
Or da Actualitad dals 07.05.2021.
laschar ir. Durada: 01:46 minutas.
cuntegn

Impressaris Grischun Il persunal qualifitgà manca

Che l'Implenia sa retira dal Grischun displascha a la Societad d'impressaris constructurs Grischun, tuttina saja quai er ina schanza per autras firmas da construcziun ch'èn a la tschertga da persunal qualifitgà, ha ditg il president da la societad Maurizio Pirola a chaschun da la radunanza generala.

La branscha da construcziun en il Grischun stettia bain. Ins sentia in boom d'incumbensas, hai gì num il venderdi a la radunanza generala dals impressaris grischuns. Betg be incumbensas per plazzals sin via, mabain era incumbensas per renovaziuns da chasas privatas sco era novas construcziuns sajan giavischadas. L'uniun è perquai cuntenta cun il dumber d'incumbensas da lavur.

Tuttina dettia in problem acut ed actual e quai na saja betg corona. I manchia il persunal qualifitgà. Il problem saja, ch'emprendists ch'hajan terminà lur emprendissadi da construcziun na restian betg sin il plazzal, mabain midian savens branscha, ha ditg Pirola. Uschia manchia er il persunal per scolar vinavant.

L'uniun na fa perquai lura er betg gronds quitads per ils collavuraturs da l'Implenia che perdan ussa la plazza. Quels vegnian a chattar svelt ina nova plazza da lavur tar ina nova firma da construcziun grischuna.

RTR Actualitad 17:30

Artitgels legids il pli savens

Scrollar a sanestra Scrollar a dretga