Siglir tar il cuntegn

Header

cuntegn

Chantun «Impurtant è d’admeplir las finamiras»

Ils proprietaris da guaud en il Grischun pretendan ch'i vegnia sajettà tschiervs sco planisà dal chantun. I saja absolutamain necessari ch'il dumber da tschiervs vegnia adattà al spazi da viver avant maun. Quai scriva «la Selva» l'Associaziun dals proprietaris da guaud dal Grischun.

A lunga vista na portia l'augment moderà tar il dumber dals tschiervs che ston vegnir sajettads sulet pauc, scriva «la Selva». Ils auts regulativs d’animals selvadis sajan tranter auter responsabel per la situaziun displaschaivla tar la regiuvinaziun dal guaud surtut tar il guaud da protecziun. Per garantir la regiuvinaziun saja ina reducziun da la selvaschina inevitabla.

Las finamiras ston era vegnir cuntanschidas

Il pli impurtant saja uss ch’ils plans dal chantun vegnian era cuntanschids, perquai che la chatscha saja la mesira decisiva per reducir e regular ils animals selvadis. Surtut era la chatscha supplementara l’atun saja necessaria per cuntanscher las finamiras dal chantun, scriva «la Selva».

Ier aveva il chantun annunzià da laschar sajettar quest onn 5'370 tschiervs - passa 150 dapli che l'onn passà.

RR novitads 12:00

Artitgels legids il pli savens