Siglir tar il cuntegn
cuntegn

Chantun «In bajetg avert e legher»

Enfin uss eran las gasettas, il radio, la televisiun e la redacziun d'online da la Somedia sparpagliads en differents lieus a Cuira ed a Panaduz. Ussa chattan las redacziuns in suttetg, numnadamain en la chasa da medias Somedia a Cuira. Sonda festivescha la chasa da medias l'avertura.

Legenda: Guardar il video Somedia envida sonda ad in di da las portas avertas. Durada 02:04 minutas.
Or da Telesguard dals 27.03.2015.

Dentant, renda quai dad investir 30 milliuns francs en in tal bajetg, en temps che medias vegnan pli e pli fitg sut squitsch? Gea, di Silvio Lebrument, manader da fatschenta medias da la Somedia. I saja stà ina necessitad da bajegiar la chasa da medias per unir las redacziuns e per uschia daventar pli simpel ed effizient.

In ristg

In tschert ristg è ina tala chasa da medias schon. Gasettas vegnan sut squitsch, ediziuns vegnan pli pitschnas, entradas da reclama sa sminueschan. La crisa da medias sentia era la Somedia, di Lebrument. La nova chasa saja dentant part da la soluziun. Els veglian reagir cun novs products.

Descripziun dal bajetg

La chasa da medias è in bajetg da betun, cun ina sort stgala a spirala che collia las redacziuns e las partiziuns, mintga auzada è quasi in biro grond. Ideal per lavurar ensemen, di Lebrument. El sa sentia da chasa, en questa atmosfera averta e legra. Il bajetg croda en egl, gist sper l'autostrada. Che la chasa da medias na saja betg en il center, na saja nagin problem. Cun la vischinanza dal quartier City West sa movia il quartier en lur direcziun.