Siglir tar il cuntegn

Header

Urban Carigiet
Legenda: Urban Carigiet RTR, H. Giger
cuntegn

Chantun In chalzer da viandar sto esser adattà al pe

Impurtant sch’ins cumpra in chalzer nov è ch’ins va a sa laschar cussegliar e ch’ins prenda peda dad empruvar el. Quai di Urban Carigiet, spezialist da chalzers da muntogna.

audio
Seria viandar – In chalzer da viandar sto esser adattà
02:33 min, Co e cum dals 29.05.2017.
laschar ir. Durada: 02:33 minutas.

In bun chalzer da viandar sto era tegnair ora l’aua. In avantatg saja sch’il chalzer haja ina membrana da goretex. Quella funcziuna sco nossa pel, ella respira e tegn ora l’aua. En cas ch’il chalzer vegn bletsch suenter ina tura datti in spray per unscher en, e quai mantegnia il tgirom. In chalzer possian ins duvrar ca. 180 dis.

Parts impurtantas dal chalzer èn era las soccas e las solas ch’ins metta endadens. I dat solas ch’èn gia fatgas u ch’ins po laschar far tenor la furma dal pe. Uschia pon ins adattar la sola al pe e quai dettia in tschert confort, di Urban Carigiet.

Ina buna socca prendia si il suaditsch e laschia transpirar quel enavant al chalzer. En ina socca normala stettia il suaditsch en quella, ed alura possian ins avair vaschias suenter ina tura.

Artitgels legids il pli savens

Scrollar a sanestra Scrollar a dretga