Siglir tar il cuntegn

Chantun In derschader u ina derschadra supplementara

La dretgira chantunala dal Grischun dumonda in'ulteriura plazza da derschader u derschadra en uffizi cumplain. Ella argumentescha la plazza nova cun dapli cas. Vitiers saja la dretgira chantunala la suletta instanza da recurs per il nov dretg da la protecziun d'uffants.

entrada da la dretgira chantunala cun la tavla d'inscripziun
Legenda: L'entrada da la Dretgira chantunala Keystone

L'augment da la chargia da lavur haja er consequenzas per la durada da las proceduras. Malgrà las stentas internas s'augmentia il mantun da pendenzas pli e pli; il dumber da proceduras pendentas saja creschì cuntinuadamain durant ils ultims onns. Difficultada vegnia la situaziun tras quai ch'ins stoppia quintar oz cun dapli lavur per cas da dretgira che pli baud. Plinavant sajan ils singuls cas daventads marcantamain pli cumplexs ils ultims onns.

Per augmentar il dumber da plazzas da derschadras e derschaders tar la dretgira chantunala dovri ina revisiun parziala da la lescha davart l'organisaziun giudiziala, perquai ch'il dumber da derschadras e derschaders da las dretgiras chantunalas supremas è fixà en la lescha.

RR novitads 11:00