Siglir tar il cuntegn

Header

cuntegn

In nov sistem d'eleger Co eleger il Cussegl grond? – il proporz dubel

Il Grischun dovra in nov sistem d’eleger. Il Tribunal federal ha decidì l’onn passà ch’il maiorz actual na saja betg correct. Da las variantas ch’èn sin maisa favurisescha la regenza grischuna il proporz dubel.

Il Grischun dovra in nov sistem d’eleger. Il Tribunal federal ha decidì l’onn passà ch’il maiorz actual na saja betg correct. Da las variantas ch’èn sin maisa favurisescha la regenza grischuna il proporz dubel.

Cun il proporz dubel vegnissan ils 120 sezs dal Cussegl grond repartids en dus pass. Quai cun mantegnair ils 39 circuls grischuns actuals.

En in emprim pass vegnan ils sezs repartids sin las partidas, tenor las vuschs ch’ellas han fatg en l’entir chantun. En in segund pass vegnan lura repartids ils sezs en ils singuls circuls – tenor las vuschs da partida chantunalas.

Ils proxims pass

Per las proximas elecziuns dal Cussegl grond il 2022 sto il nov sistem d’eleger esser pront. Uss che la consultaziun è a fin, vegn la regenza ad elavurar il messadi per tractar la fatschenta en il Cussegl grond.

La debatta dal Cussegl grond è lura previsa per il december che vegn. Dasper il sistem cun in proporz dubel, vesa la regenza anc dus auters sistems che vegnissan en dumonda per il Grischun: il sistem da maiorz actual cun adattar ils circuls tenor la decisiun dal Tribunal federal, ed in sistem da maiorz cun dus circuls gronds che duvrassan il maiorz.

RTR actualitad 07:00