Siglir tar il cuntegn

Header

audio
Bunura: Emprendissadi - Sabrina Gröble ha fatg in onn social
Or da Actualitad dals 05.08.2019.
laschar ir. Durada: 03:51 minutas.
cuntegn

In onn social Far in pass intermediar

Savens èsi grev da gia savair suenter la scola nua che la via professiunala maina ins. Perquai sa decidan blers da far in dieschavel onn u in onn social. Era Sabrina Gröble è sa decidida per in tal pass intermediar per cuntanscher sias finamiras.

Sabrina Gröble ha 28 onns e vegn da Silvaplauna. Suenter la scola saveva ella gia ch'ella veglia daventar spezialista per la sanadad. Ella è dentant sa decidida da far in onn social e da tegnair chasa a Scharans. Cunquai ch'ella era pir 15 onns veglia e las plazzas d'emprendissadi sin quai sectur eran limitadas, sa sentiva ella da lezzas uras anc betg pronta da gist entschaiver in emprendissadi.

Jau hai emprendì extrem bler per mia vita ed era per l'emprendissadi. A la fin ha quai influenzà fitg mia via professiunala.
Autur: Sabrina Gröblestudenta da didactica

Suenter l'onn social ha Sabrina Gröble fatg l'emprendissadi sco experta da sanadad en l'Ospital da l'Engiadin'Ota. Dentant cun quai era sia via professiunala anc betg a fin. Suenter l'emprendissadi ha la giuvna fatg la passarella ed entschet in studi da scienza da sanadad a l'ETH. Oz ha la giuvna in master. Il november terminescha Sabrina Gröble sia scolaziun da diplom en didactica. Silsuenter po ella instruir en la scola professiunala e la scola spezialisada superiura.

Cun quai sper jau che jau poss dar vinavant in pau da mia fascinaziun per il carstgaun ed era per la medischina.
Autur: Sabrina Gröblestudenta da didactica

RR actualitad 07:00