Siglir tar il cuntegn

Header

cuntegn

Chantun In quiz dal prim d'avust ed insaquants fatgs

Tge san ils Grischuns sur dal anniversari da la Svizra u laschan els sa cugliunar? Nus avain tschentà dumondas perfidas e fatg pretensiuns difficilas.

Per exempel avain nus pretendì ch'igl anniversari da Wilhelm Tell è il motiv per la festa naziunala. Natiralmain che tuts han savì che quai n'è betg vair. Ma cun ils nums dals Trais Confederads che han engirà sin il Rütli han tuts gì bregia. Quels sa numnavan: Werner Stauffacher, Walter Fürst ed Arnold von Melchtal.

Ils Trais Confederads sin il Rütli

Personen-Box aufklappenPersonen-Box zuklappen
Ils trais Confederads
Legenda:Ils trais ConfederadsKeystone

L'engirament dal Rütli 1291 è il mitus naziunal da la Svizra. Tenor la legenda èn trais represchentants dad Uri, Sviz e Silvania sa reunids sin il Rütli per engirar cunter ils signurs da Habsburg. Els sa numnavan Werner Stauffacher, Walter Fürst ed Arnold von Melchtal.

L'emprim d’avust è in fitg bun termin, mez la stad, super per far ina festa
Autur: in Sursilvan

Plinavant han paucs savì che nus festivain pir dapi 1899 l'anniversari da la Svizra il prim d'avust. Avant faschevan ils Svizzers festa la mesemna avant Son Martin (11-11). Il prim d'avust è pir dapi il 1993 in firà naziunal.

La bandiera Svizra

Pender ora la bandiera n'è betg pli moda tar ils Grischuns che nus avain dumandà. Tgi è memia vegls, tgi n'ha betg ina bandiera e tgi po simplamain betg pender or ella.

Fatgs sur da la bandiera Svizra

Personen-Box aufklappenPersonen-Box zuklappen
Bandiera da la Svizra.
Legenda:Bandiera da la Svizra.Pixabay

L'emprima giada che la crusch svizra è vegnida documentada è stà l'onn 1339. Pli tard è la crusch sin funs cotschen vegnida. Ma la crusch alva era tratga ora enfin ils urs. Durant la regenza da Napoleon ha la bandiera svizra gì trais colurs, mellen, verd e cotschen. Suenter la regenza da Napoleon è lura la crusch alva sin funs cotschen vegnida uffizialmain la vopna da la Svizra. La bandiera è ina da las sulettas bandieras naziunalas ch'è quadratica.

RR actualitad 08:00