Siglir tar il cuntegn
cuntegn

Chantun In sguard sin la lavur da Schneider-Ammann sco cusseglier federal

In cusseglier federal per l’economia saja Johann Schneider-Ammann. Qua van ils parlamentaris grischuns perina.

Ils parlamentaris grischuns
Legenda: RTR

Plitost il contract da commerzi liber cun la China è tenor la cussegliera naziunala e sezza scheffa da firma Magdalena Martullo in impurtant pass per tut las firmas svizras che Johann Schneider-Ammann haja fatg. Dentant tut la politica d’export saja da ludar, di il cusseglier naziunal Martin Candinas. Schneider-Ammann saja viagià bler e fatg contracts e contracts che vegnian da bun a l’export svizzer. Dentant saja el stà cusseglià fallà en la politica agrara.

Quai na di betg mo Candinas mabain tut ils parlamentaris grischuns. Ed era las discussiuns en connex cun ina cunvegna da basa cun l’UE pertutgant la protecziun da pajas èn stadas ina decisiun fallada da Schneider-Ammann di la Cussegliera naziunala Silva Semadeni.

Il cusseglier naziunal Heinz Brand ed il cusseglier dals chantuns Martin Schmid sa regordan plitost vi dad ina chaussa che haja purtà grond respect a Johann Schneider-Ammann. Senza il Cusseglier federal n'avess l’outlet a Landquart betg pudì laschar avert sias portas las dumengias.

E tuts ensemen conferman, che sco persuna è Schneider-Amman fitg agreabla ed era sch'i dat differenzas politicas saja la basa persunala adina stada mantegnida.

RR actualitad 06:00