Siglir tar il cuntegn

Chantun «In viadi plain aventuras»

50 deputadas e deputads han cumenzà glindesdi lur carriera en il Cussegl grond. Tranter quels era Aita Zanetti (PBD) da Sent. L'entir manaschi dal parlament, mo era il respect vicendaivel tranter politichers da las differentas partidas han fatg impressiun.

La noviza Aita Zanetti cun ses padrin Emil Müller.
Legenda: La noviza Aita Zanetti cun ses padrin en il Cussegl grond Emil Müller. RTR

Ses emprim di sco deputada ha Aita Zanetti mess sut il motto «viadi» - uschia sco il viadi da l'Engiadina Bassa vers Cuira.

Jau stoss pir anc ma disar vi da la rolla sco deputada.
Autur: Aita ZanettiDeputada PBD

Gia durant la preparaziun haja ella badà, ch'ella stoppia l'emprim anc sa famigliarisar cun la lingua magari cumplitgada da leschas e messadis. Ed era l'entir manaschi veglia ella ina giada emprender ad enconuscher. La pura e mamma da quatter uffants era pulit gnervusa avant sia premiera ed è stada leda per l'agid da ses padrin aifer la partida Emil Müller da Zernez, che stat a disposiziun per dumondas.

»Fatg impressiun ha la tenuta da deputadas e deputads, surtut cun tge respect ch'i vegn debattà e discussiuna - era sche las oppiniuns van magari fitg ina ord l'autra. Ella sezza veglia dentant pir prender il pled en la debatta cura ch'ella haja propi da dir insatge, uschia Aita Zanetti.

RR actualitad 08.00