Emprendissadi, matura, 10avel onn, scola media spezialisada, scola media commerziala, onn social, aupair u ir a viagiar. Ozendi datti ina massa opziuns tge far e co chattar la via tar la professiun da siemi. Pia, ins pudess pensar ch'i dettia adina pli paucs che fan in emprendissadi. La grafica giusut mussa co ch'il dumber da contracts d'emprendissadi è sa sviluppà ils davos onns.
789 plazzas libras?
Passa 700 plazzas d'emprendissadi èn anc libras. Almain tenor il stan actual la fin da zercladur. Quai stoppian ins dentant relativar. I na sa tracta anc betg da cifras definitivas. Blers fan pir il contract d'emprendissadi curt avant l'entschatta. Tenor l'uffizi da furmaziun dal chantun vegnian las plazzas libras puspè ad esser en la norma dals onns avant. Ils davos onns èn quai adina stà tranter 500 fin 650 plazzas - sco che nossa grafica sut mussa:
En general san ins dir: Il dumber d'emprendists sco era las plazzas betg occupadas èn restads en la norma dals davos onns. Sulettamain la via intermediara è daventada pli populara.
RR actualitad 07:00