Siglir tar il cuntegn

Header

Ils letgs èn stads occupads meglier la stagiun passada ch'era schon.
Legenda: Ils letgs èn stads occupads meglier la stagiun passada ch'era schon. Keystone
cuntegn

Chantun Ina sbrinzla speranza: Dapli letgs chauds en hotels grischuns

L'hotellaria grischuna ha nudà dapli pernottaziuns la stagiun d'enviern passada. Cumpareglià cun la medema perioda da l’onn avant è il dumber s’augmentà per 1,9% sin passa 2,6 milliuns pernottaziuns. Quai communitgescha l’Uffizi per economia e turissem dal Grischun.

Cumpareglià cun la media dals ultims tschintg onns è quai però anc adina in minus da prest 5% scriva l'Uffizi per economia e turissem dal chantun Grischun.

Sco adina grondas differenzas regiunalas

Tut tenor regiuns datti però grondas differenzas. Tar ils victurs tutgan destinaziuns sco la Bregaglia, la destinaziun Tavau Claustra, Flem Laax Falera u er San Murezzan. Tar las regiuns cun damain pernottaziuns en cumparegliaziun cun la stagiun d’enviern passada èn las destinaziuns da Scuol Samignun Val Müstair, la destinaziun Partenz u era Mustér Sedrun.

Era naziunal èn las pernottaziuns s’augmentadas

En l’entira Svizra èn s’augmentadas las pernottaziuns la stagiun d’enviern passada. Dal november fin l’avrigl ha l’hotellaria svizra nudà en tut 15,7 milliuns pernottaziuns. Quai è in plus da 2% cumpareglià cun la medema perioda da l’onn avant, scriva l’Uffizi federal da statistica.

Legenda:
Pernottaziuns en Grischun: Cliccar sin ils onns per activar e deactivar las lingias per cumparegliar las pernottaziuns da differents onns. ORIGINAL Quai è il diagram cun tut las cifras - mo duvrar per retschertgas Cifras da l'Uffizi federal da statistica (2005-2018)

RR novitads 10:00

Artitgels legids il pli savens